Menu

1 – á – 1

Jóga á að snúast um þig, þínar þarfir, getu og óskir. Kennarinn gefur þér aðhald, stuðning og skýrar leiðbeiningar til að ná þínum markmiðum

1 – Á – 1 er sjálfeflandi iðkun sem tekur mið af þinni heilsu, þínum markmiðum og óskum. 1 – Á – 1 er fyrir þá sem vilja stuðning, aðhald og ítarlega þróun hvort sem það er til heilsueflingar eða ná sér til heilsu. Bókaðu fría ráðgjöf og sjáðu hvað við getum gert fyrir þig.

Jóga sem meistrun

Lærðu að þróa og meistra jógastöður, öndunar og hugleiðsluæfingar

Jóga fyrir lífið

Vertu þín eigin heilsugæsla, og bættu heilsuhreysti líkama, starfsorku og huga

Jóga sem þerapía

Er öflug leið til heilsulausna fyrir líkama, huga og sál

Hef í rúmlega 20 ár gert fjölmargar tilraunir til að nýta mér líkamsræktarstöðvar án mikils árangurs. Hætti yfirleitt að mæta fljótlega. Komst að því að hóptímar í Jóga hentuðu betur án þess að ég næði að festa rútínu í sessi. Mætti vel á tímabilum, svo komu lengri tímabil þar sem mætingin datt niður. Hef nú gert Vinijóga æfingar daglega, með örfáum undantekningum, síðan ég byrjaði síðastliðið sumar.

Ástæðurnar fyrir því hve vel hefur gengið að halda sig við efnið eru margþættar. Gott samband við kennara og fagmennska hans. Formið á iðkuninni hefur hentað mér vel. Að vera bæði undir leiðsögn en geta líka æft heima hjá sér í stað þess að fara annað til að gera æfingarnar. Þetta býður upp á meiri sveigjanleika en t.d. það að þurfa að fara út í bæ á fyrirfram ákveðnum tímum. Það að innihald æfinganna og rútínan miðast við eigin þarfir, og þann stað sem maður er á, en þessháttar þjónustu er erfitt að veita í hópiðkun. Eftirfylgdin er líka mjög öflug varðandi það að fylgjast með iðkun og þróa hana áfram. Miðað við það sem ég hef fengið er verðið líka mjög hagstætt.

Einar Kvaran

ferlið

Fyrsta kennslustund

12.750 kr.

  • Þetta er fyrsti kennslustundin eftir fríu ráðgjöfina okkar 
  • Tíminn er 90 mínútur
  • Í þessum tíma tökum við nánari heilsusögu þína
  • Við útbúum fyrstu rútínuna og kennum þér hana
  • Þú færð útprentaða rútínu með þér heim, með skýrum útskýringum og byrjar daglega iðkun eftir leiðbeiningum kennara
  • Dagleg iðkun tekur um 25 mínútur til að byrja með og getur aukist ef áhugi er fyrir

Yfirferð

5.500 kr.

  • Yfirferðin tekur 40 mínútur
  • Þú gerir iðkunina fyrir framan kennarann eins og þér var kennt í kennslustund
  • Kennarinn gefur þér ítarlegar leiðbeiningar hvað betur má fara
  • Við pössum að beitingin sé rétt í stöðunum svo þú fáir aukna vellíðan
  • Yfirferðin kemur 2 vikum eftir kennslustund, ef nauðsyn þá viku eftir

Kennslustund

8.500

  • Kennslustunndin tekur 50-60 mínútur
  • Kennslustundin er einu sinni í mánuði
  • Við gerum breytingar/aðlaganir/viðbætur á rútínunni
  • Þú færð útprentaða rútínu með þér heim með skýrum leiðbeiningum

Bókaðu fría ráðgjöf

Þetta er tækifæri fyrir okkur að hittast og ræða um markmið þín áður en nokkur skuldbinding er gerð um áframhaldandi iðkun. Við förum yfir ferlið í einstaklingsmiðaðri iðkun og þú verður beðin/n um að gera einfaldar hreyfingar svo við getum metið hreyfigetu þína. Við ræðum hvaða tímabókanir henta þér best eða þú ferð heim og hugsar málið.

HAFÐU SAMBAND

1. Jóga sem persónuleg könnun og þróun

Þróunarleiðin er hentug fyrir þá sem hafa áhuga á að ná líkamlegum eða andlegum markmiðum í gegnum ákafan æfingarferil. Þetta getur falið í sér, en takmarkast ekki við, að rækta  líkamann með stöðum eða hreyfingum, þróa andardrátt til að efla innri orkuferla og starfsorku, eða notkun á einstökum kyrjunum og hugleiðsluaðferðum til að þróa gjörhygli og að endingu að ná meistrun á eigin huga.

 

2. Jóga sem eigin heilsugæsla og bæting á daglegri starfsorku.

Flest okkar eru í þeim aðstæðum að við náum ekki að höndla okkar flóknu daglegu streituvalda, eins og: vinnuálag, fjölskylduskuldbindingar, eða lífsstíls ávana sem leiða oft á tíðum til almennra líkamskvilla, lélegrar meltingar, truflaðrar starfsorka, truflun í svefnrytma, og daufur eða ofvirkur hugur. Það eru margskonar hæfni sem hægt er að þróa með réttri jógaþjálfun sem hjálpa okkur að takast á við daglega streituvalda, létta á og verja okkur gegn daglegu áreiti, og styðja okkur almennt í daglegu lífi.

 

3. Jóga sem þerapía

Við notum þerapísku aðferðina þegar vandamál í líkama eða huga, hafa orðið langvarandi eða eru bráð. Hægt er að nota jóga sem þerapía á áhrifaríkan hátt, bæði sem stuðningur við hefðbundnar sem og  óhefðbundnar meðferðir, eða sem ein og sér. Jóga sem þerapía, vísar til aðlögunar og réttra beitinga á jóga stöðum/öndunarvinnu, eins og á við hverju sinni. Einnig kemur mikilvægi sértækra rútína sem hjálpa iðkandanum að takast á við sínar heilsuáskoranir.

Bókaðu fría ráðgjöf

umsögn

Higly recommended. Individual teaching, as I have been taught with Talya. It has provided opportunity for personal, physical and mental, development and growth. I can say, it has changed my life, before my health and energy level was not at it´s best and Talya´s attentiveness, skills, knowledge, kindness and good humor has helped me to turn things around to gain good health, strength and well being. I would have greatly appriciated this kind and attentiveness when I went through the Health Care System, in search to find and gain a healthy body and mind. Through Talya´s teaching and daily practice I´ve acquired much better body awareness that helps me greatly in everyday life. I approach Yoga now, aware that it can take me beyond just the physical. Individual teaching is not comparable to going to regular Yoga classes. Individual teachings gives you so, so much more. It is a blessing to have met Talya and I am forever grateful for that.

Þórunn

Áður en ég hóf að mæta í einkatíma hjá Talyu hafði ég í einhver ár verið að fara í jóga hér og þar án þess að finna minn stað og fá það út úr jóga sem ég sóttist eftir. Nú hef ég í tæpt ár sótt tíma hjá Talyu og með daglegri iðkun á því prógrammi sem hún hefur vandlega sett saman fyrir mig og aðlagað eftir þörfum, finnst mér ég loksins vera að iðka jóga og uppskera heilsufarslegan ávinning og meiri hugarró.

Maríanna Said

Viðmót kennarans og árangurinn kom mér satt að segja á óvart. Kennarinn lét mig ekki komast upp með að sleppa æfingum heima, og þegar ég var farin að iðka daglega lét árangurinn ekki á sér standa. Hreyfigeta mín jókst til muna. Kennarinn var alltaf mjög vel heima í mínum málum og fylgdi vel eftir þeim breytingum sem urðu á ástandi/getu minni eftir hvern tíma með honum. Ef ég var í vafa með eitthvað gat ég alltaf sent kennaranum línu og fékk svar um hæl. Iðkunin virkaði mjög vel fyrir mig, hvoru tveggja sem hugleiðsla og sem líkamsæfingar við slitgigt

Anna Þórsdóttir

Einstaklingsmiðuð kennsla er eina leiðin sem hefur virkað fyrir mig. Hið sama má segja um iðkunina. Að vera í hóp hentar mér ekki. Ég hef lengi vitað að yoga væri eitthvað sem hentaði mér til að vera í góðu formi og bæta einbeitinguna. Að byrja í tímum hjá Guðmundi í Yogatama var það sem ég þurfti til að komast í gang í iðkuninni. Það byggir ekki síst á því að hann sérlega næmur á hvað hentar mér hverju sinni.

Matti

Ég hef verið hjá Gumma í jóga í 3 ár og er mjög ánægð með þennan tíma. Ég finn að ég er styrkari, öndunin er betri og hugarró færist yfir mig eftir tímana. Endurnærð með öðrum orðum. Mæli með þessu fyrir alla. Alveg frábært.

Inga Sigurrós Þráinsdóttir

Síðastliðin þrjú ár hef ég verið vikulega í einkatímum hjá Guðmundi Pálmarssyni. Þetta eru mjög gefandi og skemmtilegir tímar sem hafa bætt liðleika, öndun og styrkleika mikið. Gummi hefur einstaklega þægilegt og ljúft viðmót og er mikill visku brunnur þegar kemur að Yoga iðkun með áratuga langa reynslu af kennslu og eigin ástundun undir leiðsögn Yoga meistara.

Bjarni Viðarsson

ítar Upplýsingar

1-á-1 er ferli þar sem kennari og nemandi vinna saman að því að skapa sértækar rútínur sem nemandinn iðkar daglega heima fyrir, tímarnir eru 1 – 4 sinnum í mánuði, hver tími inniheldur fínpússningu á rútínu, sem og viðbætur og aðlaganir. Rútínan getur falið í sér falið í sér líkamsstöður og/eða útfærslur af stöðum, öndunarvinnu, hugleiðslu, eða að læra að kyrja eða nema viðeigandi jóga texta. Tækni og verkfæri jóga iðkunar eru endalausar og þú getur þróað þína iðkun á eigin hraða, mikilvægt er að iðkandinn hafi tíma, rými og skýran ásetning þegar kemur að iðkuninni.

Svona var jóga kennt, 1-á-1 fremur en hóptímar. Ef þú vilt kanna og þróa sambandi þitt við jóga, með sérhannaðri rútínu bara fyrir þig, til að mæta þörfum þínum og lífsstíl, þá er þessi aðferð fyrir þig.

Aðferðarfræði jóga er eins og verkfærakassi með úrvali af  gagnlegum verkfærum. Þegar unnið er með þessum hætti getur kennarinn notað þau verkfæri sem tengjast þínum markmiðum, áhuga og getu. Þetta er notkun jóga sem “viniyoga” – aðlögun jóga til einstaklingsins. Hlutverk kennarans er að styðja og styrkja nemandann með því að afhenda þekkingu og verkfæri, svo þú getur verið sjálfstæður í iðkun.

Það er margra ára þjálfun að þróa færni til að vinna með fólki á 1-á-1 hátt. Gummi og Talya hófu þjálfun sína í listum viniyoga árið 2008 með Marc Beauvain og héldu áfram sínu persónulega námi með Paul Harvey, Center of Yoga Studies. Þau halda áfram stöðugu námi með Paul, og hafa faglega umsjón frá honum.

HAFÐU SAMBAND

Gerast Áskrifandi að fréttabréfinu okkar