Menu

Hvers er að vænta í jógatímanum

Tímarnir okkar byggja á ‘vinijóga’ nálgun að hatha jóga sem kemur úr kennslu T.Krishnamacharya, og sonar hans T.K.V. Desikachar og er miðlað til okkar frá Paul Harvey. Þetta er gjörhyglisleiðin að jóga.

Hugtakið “viniyoga” er að finna í höfuðtexta jógaiðkunar, Patanjali jóga sūtra, sem var ritaður fyrir um 2000 árum. Vinijóga þýðir, að verkfæri jógaiðkunar er beitt á viðeigandi hátt (miðað við aldur, heilsu og getu), fyrir hvern einstakling. Þessi aðferðarfræði er hjarta kennslustíls okkar. Nemendur eru hvattir til að iðka eftir sinni bestu getu, og bera bæði kennsl á styrkleika sína sem og takmarkanir. Við bjóðum valkosti fyrir þá sem geta unnið ítarlegra með líkama eða öndun, og/eða gefum aðlaganir á stöðum og öndunaræfingum ef einstaklingar hafa meiðsl eða aðrar líkamlegar takmarkanir.

Þessi nálgun er bæði aðgengileg byrjendum, þeir sem eru reynslumeiri og vilja strembnari þjálfun, eða þá sem glíma við meiðsli eða líkamlegar takmarkanir. Nemendur eru hvattir til að hlusta á líkama sinn og taka hvíld þegar þörf krefur.

Tímarnir okkar eru hægir en dýnamískir, að því leyti að við förum inn og út úr stellingum í takt við okkar lengsta, dýpsta andardrátt. Að vinna hægt og rólega með árvekni getur oft verið sterkara og skilvirkari, en hraðari vélrænni hreyfingar. Enn fremur gerir það líkamanum kleift að skynja  stöðurnar og ákveða hvort hann samþykkur það sem við biðjum hann um að gera áður en meiðsli eiga sér stað. Með þessum áherslum, getum við einnig haldið stöðunum í lengri tíma og dýpkað vinnuna í stöðunni með djúpöndun og árvekni.

Uppbygging jógatímanna felur yfirhöfuð í sér líkamsstöður (āsana) og einstaka röðun stellinga (vinyasa krama). Tímanum lýkur á leiddri slökun og sitjandi öndunar- hugleiðsluaðferðum (prānāyāma). Þessi aðferð er djúpstæð til að koma böndum á hugann, betrumbæta gjörhygli og hafa bein áhrif á orku okkar, til að láta skapa ‘sattva’ ástand (skýrleika og hugarró) í undirbúningi fyrir hugleiðslu.

Í samhengi við uppbyggingu tímanna þá kennum við í mismunandi þemum, svo að nemendur eigi auðveldara með að læra stöðurnar og iðkunina í heild sinni. Iðkuninni er ávallt haldið ferskri og lifandi svo við fáum sem mesta tilbreytingu í iðkun okkar.

Hafðu samband

Gerast Áskrifandi að fréttabréfinu okkar