Menu

 

4. nóvember - 27. nóvember

Jóga nidra

Jóga Nidra er forn jógaástundun sem hefur notið vaxandi vinsælda í hinum vestræna heimi á liðnum árum. Ekki síst vegna þess að aðferðin losar um streitu og spennu sem fylgir auknu álagi, hraða og annríki nútímamannsins.

Nidra þýðir svefn, en ólíkt svefni er Jóga Nidra meðvituð djúpslökun handan hugsana og tilfinninga. Í Jóga Nidra er leitt í djúpt slökunarástand handan skilningarvitanna þar sem engin streita býr og fullkomin eining ríkir. Þessi djúpa slökun hjálpar við að losa um spennu og hindranir hugans sem geta dregið úr okkur í daglegu lífi. Streita er undirliggjandi orsakaþáttur í mörgum sjúkdómum. Hún getur birst í mismunandi myndum og er stundum svo samofin tilverunni að við tökum jafnvel ekki eftir henni fyrr en hún er farin að valda vandamálum. Jóga Nidra er ein af mörgum aðferðum að vakna til vitundar.

Jóga Nidra leiðir til vakningar varðandi öndunartækni, orku og líkamsvitund. Leitt er inn í slökunina með mismunandi hætti og smám saman er farið inn á dýpsta svið slökunar. Þar getur líkaminn heilað sig, náð jafnvægi og losað um streitu, kvíða og órólegar hugsanir. Þessi tækni hentar hraustu fólki við að takast á við mikið álag og getur hjálpað veiku fólki til að losna við sjúkdóma.

Í tímunum er farið í mjúkar jógastöður í 15-20 mínútur áður en farið er í djúpslökunina. Gott er að hafa með sér augnpúða eða klút til að leggja yfir augun.

Jóga Nidra hentar fólki á flestum aldri, ekki síst fyrir börn 5 ára og eldri.

Um er að ræða hóptíma/námskeið en einnig er hægt að fá einstaklingstíma hvort sem um er að ræða fyrir börn, unglinga eða fullorðna skv. samkomulagi.

Dagsetning: Hefst 04.11 og stendur í 4 vikur.

Kennsla: Kennt er á mánudögum og miðvikudögum frá kl. 17:15 – 18:30

Kennari: Sigurbjörg Þorgrímsdóttir

Verð: 17.900 kr, námskeiðsgjald er greitt að fullu við skráningu.

50 % afsláttur fyrir börn frá 5-12 ára. 20% afsláttur fyrir eldri borgara.

Skrá mig

< Námskeið

Gerast Áskrifandi að fréttabréfinu okkar